Рэлігійная абшчына ўтворана па блаславенні Мітрапаліта Філарэта 30 снежня 1998 г. Прыход быў арганізаваны на базе заводу «Атлант».
Для здзяйснення набажэнстваў на 4-м паверсе фізкультурна-аздараўленчага комплексу ЗАТ «Атлант» быў уладкованы храм у гонар прападобнага Іаана Рыльскага.
Першапачаткова планавалася абсталяваць вялікі храм у гонар святога праведнага Іаана Кранштацкага на тэрыторыі фізкультурна-аздараўленчага цэнтра ЗАТ «Атлант», у прасторнай зале другога паверху. Аднак жыццё ўнесла свае карэктывы, і сёння ФОК не мае магчымасці размясціць на сваёй тэрыторыі другі храм.